Lætur þú atkvæði þitt falla með heimilunum?

Auglýsing frá Hagsmunasamtökum Heimilianna sem birtist í Fréttablaðinu í dag:

Forsendur gengis- og verðtryggðra lánasamninga eru brostnar.
Ýmislegt bendir til þess að lánastofnanir hafi á undanförnum árum stuðlað með beinum hætti
að óeðlilegum hækkunum á höfuðstóli gengis- og verðtryggðra lána. Slíkt hefur gerst í gegnum
gengishrun krónunnar með tilheyrandi verðbólguskoti. Stjórnvöldum ber að leiðrétta tafarlaust þá
eignaupptöku sem þar á sér stað.

Efnahagsvandi íslenskra heimila hlýtur að teljast alvarlegur, þegar 42% heimila eru með neikvæða eða afar takmarkaða eiginfjárstöðu (tekið er mið af fasteignamati um síðustu áramót). Verði ekki gripið til fyrirbyggjandi aðgerða er líklegt að heimilum með neikvæða eiginfjárstöðu fjölgi verulega. Um 80% heimila eru með gengis- eða verðtryggð veðlán vegna fasteigna og eru því meirihluti kjósenda. Heimilin eiga rétt á skýrum svörum um afstöðu flokkanna til lánamála þegar þau ákveða hvernig þau verja atkvæðum sínum á
kjördag þann 25. apríl nk.

Hvað ætlar þinn flokkur að gera til að:

• Leiðrétta gengis- og verðtryggð veðlán heimilanna?
• Hvernig ætlar hann að gera það og hvenær?
• Leysa brýnan vanda vegna gengistryggðra veðlána?
• Hvernig ætlar hann að gera það og hvenær?
• Leysa ört vaxandi vanda vegna verðtryggðra veðlána?
• Hvernig ætlar hann að gera það og hvenær?
• Jafna stöðu og ábyrgð milli lántakenda og lánveitenda veðlána?
• Hvernig ætlar hann að gera það og hvenær?

Svör við þessum spurningum verða birt hér í blaðinu 20. apríl n.k.

Heimild: Áhrif fjármálakreppu á efnahag heimila - bráðabirgðaniðurstöður starfshóps Seðlabanka Íslands 11. mars 2009

Smellið hér til að sjá auglýsingu frá HH með spurningum til stjórnmálaflokkanna.