Reiði er afleidd tilfinning

Til þess að reiðast þarf einhverja forsögu. 

Geri mér í hugarlund að forsaga mótmæla á Austurvelli sé ótti almennings um hag sinn, vonbrigði almennings á hve vel ríkisstjórn taki á málum almennings, hræðsla vegna engra eða lítilla upplýsinga.  Ringulreið vegna þess að fjölmiðlar upplýsa ekkert nema tölur og áætlanir, möguleika, svarsýni, fleiri tölur, atvinnuleysi, gjaldþrota fyrirtæki og mögulega gjaldþrota fyrirtæki.  Svo mikið er af misvísandi upplýsingum í fjölmiðlum að enginn hefur lengur neitt á hreinu.  Ég skil reiði sem myndast getur út frá þessum tilfinningum.

Tilfinningar sem koma upp gagnvart fólki sem virðist, eða hreinlega brýtur á öðru fólki, skil ég vel.  Reiðina sem fylgir stundum í kjölfar þessara tilfinninga skil ég líka.  En útrás reiðinnar að sletta málningu á hús skilar ekki miklu í þessari orrustu almennings um réttsýni.

Skemmdarverk er aðeins tilfærsla á tilfinningum.  Mín reiði á að færa þér sektarkennd, jafnvel ótta, og þú átt þess vegna að breyta að mínum vilja.  En það er bara sjaldnast rétt hegðun.  Bankinn minn lækkar ekki greiðslubyrðina þótt ég berji bíla og sletti málningu á hús bankastjórans. 

Við þurfum að hugsa og vita ( ekki finna) hvað við gerum til að fá útrás.  Getum við nýtt orkuna og hugarfarið til einhvers sem virkilega gengur upp? 

Eitt af því sem virkar er að taka aflið, fjármagnið, frá spillingunni.  Greiðsluverkföll, hætta viðskiptum við banka, verslanir, stofnanir sem eru í eigu spillingarinnar.  Hættum að nota debit og kreditkort.  Ef Baugur og Hagar eiga Bónus, 10-11, Útilíf,þá verslum við ekki þar.  Ef Pálmi Haralds á Iceland Express þá verslum við ekki þar.  Það eru fleiri bankar en Landsbankann, Kaupþing og Íslandsbanki. Við þurfum ekki að versla þar.  Skoðaðu Sparisjóð Suður-Þingeyjasýslu eða Sparisjóð Strandamanna. Þar er heimabanki, konfekt og sparibaukar, alveg eins og í höfuðborginni. 

Spillingin vill peninginn þinn!!!  Bestu skemmdarverkin eru að gera ekki eins og spillingin vill. 

Fordæma skemmdarverk

Athugasemdir

[Sigurbjörg Jónsdóttir (IP-tala skráð) 20.10.2009 kl. 17:19]

Sammála.

Takk firrir að upplýsa mig  um að til séu  íslenskir bankar, aðrir en þeir sem eiga heita nýju bankarnir reistir við úr rústum  þeira gömlu.Það eina sem þeir hafa verið að gera er að bjarga þeim sem  stálu úr þeim.